Munirahمقابلة

منيرة اليماني، شيف حلواني ومؤسسة مخبز 360 فهرنهايت

Spread the love

فكرة جريئة

لأننا عارفين إن الأكل مهمة جدًا النظافة فيه وتحري السلامة، صار عندنا انتباه شديد للتفاصيل والأشياء الصغيرة اللي ماكنا ننتبه لها قبل كذا. 

مع التطور والطفرة الحرفية والصناعية اللي قاعدين نشهدها، أغلب مشاريع الأكل أصبحت تنافس بعضها على المركز الأول. في عالم الكل فيه مبدع، لازم تتخطى مرحلة الإبداع وتصير استثنائي. 

وهذا اللي راح نشوفه مع ضيفة اليوم نتشرف في منيرة من مخبز 350 فهرنهايت 

أول شي حابين نعرفه، كيف جاتك الفكرة؟

البداية كانت من نصيحة من نصائح الملياردير الصيني للشباب واللي تقول ( في سن الثلاثينات اتبع شغفك، واعمل لصالح نفسك. أسس مشروعاً خاص بك ) و بما انه عندي حب وشغف للمطبخ بصفة عامة و اني اصنع المخبوزات بصفة خاصة و في نفس الوقت حبيت اني استغل تخصص دراستي في مجال التغذية فجات في بالي اني ابدأ اعمل مخبز تكون بدايته من البيت . 

كيف كانت بدايتك؟

كانت عبارة عن تجارب كثيرة في مطبخ بيتي، جربت فيها وصفات وطرق كثيرة لحد ما وصلت للمنتج النهائي

وايش كانت ردة فعل اللي حولك؟

الحمدلله لقيت الدعم والتشجيع الدائم من اهلي وصحباتي، وحتى الانتقادات كانت كلها بناءة وتشجعني اني اطور المنتجات اللي جربوها. 

One Piece Pastry Chef

ايش أكبر المحبطات اللي واجهتك في البداية وكيف تغلبتي عليها؟

يمكن اكثر شي واجهته محبط انه تكلفة اني اعمل تغليف خاص بهوية المخبز جداً عالية. فقررت انها تكون بسيطة و في نفس الوقت تعكس هوية المخبز.  

بالاضافة للادارة المالية اللي فعلاً كانت ممكن تكون معضلة كبيرة الا انه تطبيق تيم انقذني وشالها عني.

هل موظفة ناس تثقي فيهم ياخذوا مكانك بعض الأحيان؟

حالياً معايا مساعدة تساعدني في تحضير المقادير فقط، و قاعدة ادربها شوية شوية لحد ما أتأكد انها فعلا تقدر تطلع المنتج زي لو كنت انا. بالاضافة لمساعدة زوجي. 

ايش أكثر شي يحبوه عملائك من المنتجات اللي تسويها؟

السكونز التقليدية في المرتبة الاولى وكمان المربى اللي بصنعها في البيت. 

Small Cake

ايش أكثر شي مميز تفتخري بوجوده في البزنس حقك؟

اني بستخدم مكونات عالية الجودة، وما ارضى استخدم اي بديل رخيص او تجاري. بالاضافة اني استخدم تخصصي الدراسي في فهم عمل المكونات مع بعضها البعض. لاني زي ما ذكرت سابقاً اني عملت البزنس بسبب حب وشغف .

هل توفري مخبوزات للمناسبات؟

حالياً حفلات عائلية أو مناسبات صغيرة 

Blueberry

ايش الخطة الجاية وايش حاب تضيف لتجربة عملائك؟

بشتغل حاليا على أصناف جديدة من المخبوزات تكون مميزة. تاخد وقت شوية لانه حابه تكون بنفس المستوى اللي اتعودوا عليه عملائي. و كمان بحاول اني ازود المطبخ بمعدات جديدة تساعدني على انتاج كميات اكبر.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *